Nunatta imartaani
Avataasiorluni nunatta eqqaani nammineq tunisassiuutigalugu aalisarnermi pisat 2016-imi 2015-imut naleqqiullugu 19 pct.-ip missaanik amerleriarput. Pisat nalingi piffissami tassani 37 pct.-ip missaani qaffariarput.
Imartat allat
Imartani allani aalisarnermi pisat 2016-imi amerlassutsimikkut appariangaatsiarput. Appariarnerup pissutigaa ammassaat pisat ikileriarujussuarneri. Taammaakkaluartoq pisat ataatsimut nalinga taamaallaat 4 pct.-ip missaani appariarpoq.